UNANG SKINNY-DIPPING SA ILOG MATNOG

June 20, 2008 at 7:08 am

Masarap at makati.

Ang lumangoy sa unang pagkakataon ng walang kahit na anong suot, walang mabigat na maong shorts, panty, bra, bakat na pantaas o kahit hapit na swimsuit sa Ilog Matnog ay isa sa di ko malilimutang escapade ng aking buhay.

Isang kaarawan ang dahilan kung bakit ako nagpunta doon. Ang pag-aaway naman naming ni bangka ang dahilan ng skinny-dipping ko. Si bangka ang bisyo ko. Ang kasiyahan, kakornihan, kasalanan, tinatayaan. Nung araw na yun, natalo ako sa sugal. Nalaman kong hindi pala sapat ang sarili ko upang manalo, na kahit anong gawin ko maghahanap at maghahanap ng ibang bangkero ang mga manunugal.

Ilang tao ang nakilala ko sa ilog. Yung iba matagal ko nang alam ang pangalan at kilala ang mukha pero kahapon ko lang nakilala. Dalawang klase ang mga tao dun. Ang una, hahamunin ka kung hanggang saan at gaano kalalim ang kaya mong languyin. Ang natitira naman, sasawayin at tatawagin ka pabalik pag napapalayo ka na, lalo na kung inaakala nilang hindi ka marunong lumangoy. Magaling akong lumangoy. Pero isang tao lang ang nakakaalam nun doon. Kaya naman mas madami ang sumaway kaysa naghamon sakin. Bad trip! Gusto ko nga din sanang subukan yung long diving. Kaso andun yung isang high school classmate ko, si Tedeng. Pinigil ako. Hindi daw ako papasa sa deep breathing exercise, sa pahabaan ng hininga! Bakit ba?! Nag-toothbrush naman ako! Tatlo kaming nursing student dun! Eh, kung malunod, mouth to mouth recitation! [anu daw?]

Si Skulai ang kasama ko sa paglangoy. Siya nga pala yung nag-iisang nakakaalam dun na magaling din akong lumangoy, kaya hinayaan niya lang ako. Nginitian tapos naghiwalay din kami.

Nakilala ko si Si-el, magaling din. May natatangi at nakakaaliw na kakayahan na naglalaro sa pakikipag-usap at pag-langoy. Marami akong natutunan kahit na yung iba eh hindi ko masyadong naintindihan. Haha! Dahil seryoso ako sa paglangoy, hindi ko masyadong naibalik ang mga pangungusap niya. Ngiti lang. Maraming ngiti. Parang tanga. Dahil naman sa marami niyang kwento ay nakalimutan kong itanong ang pangalan niya. Kinaumagahan ko na ito nalaman. Si-el.

Kinaumgahan ko rin pinagbayaran ang kapusukan kong magskinny-dipping. Ang tubig pala sa ilog na yun ay di ordinaryo. May epekto sa mga unang salta! Nangati ako buong araw, hanggang sumunod na araw at sumunod at sumunod pa. Walangyang..! Wala na din ako nagawa. Minsan talaga, kakamutin mo na lang kung anong makati. Argh! Ang nakakainis pa, parang lumilipat lipat ang kati..lalo na sa likod ko! Argh! Hanggang sa mga pagkakataong ito, bakat pa rin ang mga kamot at inis sa balat ko.

Unang skinny-dipping sa Ilog Matnog. Yun na rin ang huli. Masarap lumangoy. Lalo na pag wala kang damit. Pero kung sa Ilog Matnog ka lalangoy? Tingnan mo muna ang medical records mo.;) Matapos ang maligayang gabi, sinumpa ko ito! Di ko makakalimutan. Pero malamang ulitin ko. Sa ibang ilog. Hinding hindi na sa Ilog Matnog!

Siguro pag inaway uli ako ni bangka.;)